Зохиолч: М. Горький
Орчуулагч: С. Цэрэнрагчаа
Ангилал: Түүх Оросын уран зохиол Замын тэмдэглэл
Хэвлэлийн газар: Улсын хэвлэлийн газар
«Байгальтай ураг барилдаж» түүний өнгө үзэмж, дүрс хэлбэрт умбасан гоо сайхан гэж байдаг. Энэ бол тухайн үед үзэж харсан зүйл хийгээд хийсвэр дүгнэлтэд идэвхгүй зориулагдсан гоо сайхан юм. Тэр нь аятайхан энх амгалан байдлыг номлодог. Чухамхүү үүнд л түүний цорын ганц үнэ цэнэ байгаа юм. Тэр нь амьдралаас хол хөндий, түүхэн урсгалын эрэг дээр хаа нэгтээ оршдог амьдралын дуулгавартай номхон ажиглагсдад зориулагдсан байдаг.
Гэвч байгалийн хүчийг хүний хүч зоригоор ялахыг уриалсан, оюун ухаан гүн сэтгэлгээр амьдралыг баяжуулсан гоо сайхан бас бий. Энэ нь сайхан бөгөөд эмгэнэлтэй байдаг. Энэ нь хийж бүтээх зориг хүслийн гал дөлийг бадраадаг. Энэ бол нийгмийн амьдралын шинэ хэлбэр, шинэ үзэл суртлыг цогцлон бүтээгчдэд зориулагдсан, үхэж мөхөж үеэ өнгөрөөгөөд царцанги болсон бодит байдлын эсрэг тэмцэгчдийн гоо сайхан юм...
