Ард түмний нэрийн өмнөөс тунхаглаж байгаа шүүгчдийн ялын төлөвлөгөө бол хууль зүйн хүч чадлын илрэл мөн. Ногоочин Жером Кренкебильд засгийн төлөөлөгчийг доромжилсон хэрэг тулгаж, залхаан шийтгэх цагдан сэргийлэхэд аваачихад хуулийн хүч чадлыг ухаарч мэдсэн байна. Харахад сайхан мөртөө амь насанд халтай танхимын доторх суудлыг эзлэхдээ Кренкебиль алаг хувцастай шүүгчид, шүүхийн нарийн бичгийн дарга, өмгөөлөгч, харгалзагч, харгис цагдаа болон сараалжны цаана дуугүй суугаа толгой нүцгэн олон хүнийг үзжээ. Кренкебилийн суудал үзэгдэхүйц дээхэн байсан учир шүүхийн өмнө яллуулах хүнд олиггүй байр ноогддог бололтой юм байна даа гэж санажээ...
