Зохиолч: Чингиз Айтматов
Орчуулагч: С. Бадраа
Ангилал: Киргизийн уран зохиол
Хэвлэлийн газар: Улсын хэвлэлийн газар
Жаал хүү хоёр үлгэр мэддэг байв. Нэг нь өөрийн нь үлгэр. Түүнийг ондоо хэн ч үл мэднэ. Нөгөөг өвгөн ааваасаа дуулжээ. Хожим тэр хоёр үлгэрийн аль нь ч үлдсэнгүй. Энэ тухай өгүүлсүү.
Тэр жил жаал хүү долоон ойноосоо өнгөрөөд найм хүрч явав.
Эхлээд нэг номын сав худалдан авчээ. Гялгар цагаан төмөр тээглүүртэй, гялалзсан сайхан хар цүнх. Нэг үгээр хэлбэл сургуулийн сурагчийн хамгийн ерийн мөртөө ер бусын цүнх юм. Бүх юм энэхүү цүнхнээс л эхэлсэн ажээ...
