Зохиолч: Ш. Гаадамба
Орчуулагч:
Ангилал: Монголын уран зохиол
Хэвлэлийн газар: Улсын хэвлэлийн газар
Залуу зоотехникч Ёндоныг малчин хүүхэнтэй гэрлэв гэж сонсоод үерхдэг таньдаг нөхөд нь чухам эвэртэй туулай үзсэн мэт гайхав.
Боловсон хүүхэнд таалагдах гэж гучин найман номерын шаахай, том хөлдөө багтаан ядан өмсөж, хувцасны сүүлчийн маягийг хууль мэт баримталдаг тэр хээнцэр эрийг «эрдэмтэй эхнэр» гэж үргэлж ярьдгаа мартаад малчин хүүхэнтэй гэрлэчихнэ гэж итгэх аргагүй байжээ. Эцэг эх нь энэ хачин мэдээг хүүгийнх нь сүйдэж дурласан сэтгэлийг тоолгүй замаа хэдийн харсан нэг багш хүүхнээс сонсоод бүр ч итгэж тоосонгүй...
