Сэтгэлийн ямар нэгэн өвчин нь амьдралын хамгийн үнэтэй шилдэг зүйл болдог хүмүүс ч байдаг. Тэд амьд ахуйдаа чухам л түүгээрээ амьдралын хамаг цагийг нөхцөөж түүндээ тачаадаж, түүгээрээ биеэ тэжээж, тэрнээсээ бусдад гомдож ойр тойрныхоо анхаарлыг тэр талаараа л өөртөө татдаг байна. Хүмүүстэй түүгээрээ харьцана уу гэхээс тэдэнд өөр юү ч байхгүй билээ. Тэднийг тэр өвчнөөс нь салгаж эмнэж орхивол тэд амьдралын гол зүйлээс хагацан зовлонд учраад харин дэмий хоосон болно. Гэмээ гэмгүйд бодож өөрийн эрхгүй түүнээ шүтэн амьдрах зовлон хүний амьдралд үргэлж тохиолддог. Уйтгар гунигаасаа улам дордох явдал хүмүүст олонтоо байдаг гэж хэлж болно.
