Зохиолч: Ах дүү Гримм
Орчуулагч: С. Лувсанвандан
Ангилал: Хүүхдийн уран зохиол Үлгэр, домог
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
Эрт урьд цагт нэг хаан байжээ. Түүний тансаг шилтгээний ойролцоо түмэн зүйлийн ан амьтан жигүүртэн шувуугаар баялаг ой байдаг ажээ. Хаан торгон цэргээсээ нэгийг сонгож бор гөрөөс олж ир гэж илгээв. Илгээсэн цэрэг эргэж ирэхгүй болохоор эзэн хаан сэтгэл зовнин эрэлд хоёр цэргийг гаргажээ. Энэ удаа бас л амжилтгүй, эрэлд гарсан цэргүүд элсэнд хаясан үр шиг сураггүй. Гурав хоног хүлээгээд эргэж эс ирсэнд хаан бүх торгон цэргээ цуглуулж гэнэ. Ойг хөндлөн гулд нэвт шувт нэгж, сураггүй болсон гурван цэргийг олохоос нааш битгий эргэж ир гэж зарлиг буулгажээ.
Торгон цэргээс ганц ч хүн эргэж ирсэнгүй ядахдаа дагуулж явсан нөхдөөс нь ч буцаж ирсэн нь үзэгдсэнгүй. Цөм ор сураггүй алга болжээ...
