Зохиолч: Ах дүү Гримм
Орчуулагч: Ц. БАЛДОРЖ
Ангилал: Гадаадын уран зохиол Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Маргааш өглөө нь тэднийд худалдаачин ирж гэнэ. Тариачны эхнэр олон таван юм ярьсангүй. Худалдаачин үхрийг үзэж үнийг нь мэдээд:
— Харьцуулаад бодоход авч болох л үнэ байна гэжээ.
Тэгээд тэр үнээнүүдийг хашаанаас гаргаад хөөгөөд явахыг завдаж гэнэ. Тариачны эхнэр ханцуйнаас нь чангаан:
— Та эхлээд хоёр зуун төгрөгөө өгөхгүй бол би таныг тавихгүй гэжээ.
Худалдаачин хариуд нь,
— Тэр тэгэлгүй яах вэ. Харамсалтай нь мөнгөний даалингаа бүсэндээ хавчуулахаа мартчихаж. Та тэгэхдээ бүү санаа зов. Би хоёр үнээг чинь авсандаа аваад нөгөөг нь барьцаанд үлдээчихье гэж гэнэ.
Энэ үг гэрийн эзэгтэйд жигтэйхэн их таалагдан худалдаачинд хоёр үхрээ өгөөд явуулчихжээ. «Намайг ийм ухаантай наймаа хийсэнд Ганс гарцаагүй баярлана» гэж дотроо боджээ...
