Зохиолч: А. Алексин
Орчуулагч: Ч. Алтанзагас
Ангилал: Хүүхдийн уран зохиол Оросын уран зохиол
Хэвлэлийн газар: БНМАУ-ын Ардын боловсролын яамны хэвлэл
Ач зээгээ төрснөөсөө илүү хайрладаг гэж би зөндөө л дуулж явсан хэр нь огт үнэмшдэггүй байлаа. Гэтэл яах аргагүй үнэн юм санжээ. Магадгүй, насны наран хэвийж үхэл өвчин хоёроос айхаасаа ганцаардахын зовлонгоос зүрхшиж явахад ач нар заяадаг болохоор ч тэгдэг байж болох юм.
Лиза намайг жар хүрч явахад гарсан юм. Володя хүү минь эхнэр Клаватайгаа хоёул, таныг байгаа болохоор л бид хоёр зүрх гаргаж байна шүү дээ яагаа ч үгүй байхын л хэлээд байсан юм. Нээрэн ч намайг байгаагүй бол хүүхэд гаргахгүй хоёр л доо. Тэр хоёр Лизагаа авчирч өгөхдөө хувь заяаны нь бүхий л хариуцлагыг над тохоолоо гэдгээ ч хэлж билээ. Би сургуульд гучин таван жил багшилсан хүн...
