Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Манай цөөрмийн цаад талд зугаа цэнгэлтэй гэж дээр үеэс нэрд гарсан нэгэн судаг бий. Хаврын цагт тэр судагт чийг удаан тогтох учир цэцэг ногоо их сайхан ургадаг билээ. Эргэн тойрон элдэв төрлийн мод найгаад, харахад ч урамтай байдаг сан. Цөөрмөөс тэр судаг руу очиход төвөггүй, судгийн эрэг эгц налуу нь тааруу, зориуд хийсэн мэт билээ. Долгионтсон элсэрхэг ёроолтой боловч хөрс нь нягт хэр нь хөлийн таваг нухахгүй, нэг үгээр хэлэхэд бодож байж байгуулчихсан юм шиг ажээ. Хүний сэтгэл татдаг гэж хэлж болох газар даа. Эрэг дээр нь түүдэг гал түлчхээд, галзуу улаанаа ганц хоёр нэрж, амь зуулга маань ямар вэ дээ гэж завод руу харж суухад зүгээр байдаг билээ.
Нутгийн хүмүүс тэр сувагт хэзээнээс дассан ажээ...
