Зохиолч: Ах дүү Гримм
Орчуулагч: Ц. БАЛДОРЖ
Ангилал: Хүүхдийн уран зохиол Гадаадын уран зохиол Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Эрт урьд цагт хөгшин тээрэмчин байсан юм санжээ. Эхнэр ч үгүй, хүүхэд ч үгүй тэр тээрэмчин гурван зарцтай байж гэнэ. Хэдэн жил болсны хойно тээрэмчин тэдэнд:
— Би өвгөрч гүйцлээ. Одоо пийшин дээрээ л сууж баймаар байна. Та нар харин тал тал тийшээ хэсүүчилцгээ. Надад хамгийн сайхан морь авчирч өгсөн тэр хүнд тээрмээ өгнө. Тэр хүн ч намайг насны эцэс болтол тэжээнэ гэж гэнэ.
