Зохиолч: М. Горький
Орчуулагч: С. Бадраа
Ангилал: Оросын уран зохиол
Хэвлэлийн газар: Улсын хэвлэлийн газар
Самгин тийш очиж явахдаа, тэр өвийг эзэмших эрхийн тухай хөөцөлдөхдөө, гадаадад суудаг залуу гэнэн Турчаниновын төлөө биш, тэргүүн зэргийн хөрөнгөт худалдаачны бэлэвсэн гэргий Марина Петровна Зотовын төлөө явснаа мэдэж “Марина зальтай араатан байна. Тэр талаар улам ил, ичгүүргүй болж байна шүү” гэж боджээ.
Гэвч Самгин бол Маринагийн цаанаасаа хүйтэн цэвдэг шуналтайд нь ингэж бухимдан бодох боловч Маринын бүх явдлыг ганцхан тэр шуналаар тодорхойлж чадахгүй гэж итгэж байжээ. Маринаг уучлаад орхих нь Самгинд эвгүй байжээ. Хэрэв Маринаг уучлах юм бол өөрийгөө түүний гүжир түжир зорилгын номхон боол зарц болтол бууруулах авай. Гэвч Марина зөвхөн мөнгөний тулд тийм их мөнгө цаас хураадаг биш, ондоо зорилготой болох нь магад. Гэтэл юуны тулд мөнгө хураана вэ? Үүнийг Самгин тайлж үл чадна. Явж явж Самгин өөрөө чухам юуны төлөө яваад байгаагаа мэдэх нь чухал болжээ...
