Зохиолч: П. П. Бажов
Орчуулагч: У. Дамдинсүрэн
Ангилал: Аман зохиол Түүх Намтар, дурсамж Оросын уран зохиол
Хэвлэлийн газар: Улсын хэвлэлийн газар
Берг-коллегийн ерөнхийлөгч, мөнгөний захиргааны ерөнхий байцаагч Иван Шляттер, Шинжлэх ухааны академийн ерөнхийлөгч П. И. Шуваловт зориулан бичиж 1760 онд хэвлүүлсэн 249 хуудастай, 35 зураг хавсаргаж тайлбарласан «Уурхайн ажлын дэлгэрэнгүй заавар» гэгч дөрвөн ангит зузаан ном тэр үедээ үндсэн тулгуур бүтээлийн нэг байжээ. Энэ «тулгуур бүтээлд»:
«Хүдрийн баялаг судал бүхий газарт гүрвүүл могой зэрэг амьтад элбэг байдаг хэмээн ярьдгийг үндэсгүй гэж үзэх боловч Колываново-воскресенскийн заводын хавьд тэдгээр амьтан олон байсныг олж мэдсэн нь дээрх зүйлийг үгүйсгэн няцааж болохгүй гэдгийг нотолж байгаа бөгөөд, учир нь алт, мөнгөний хүдрээр баян ууланд могой элбэг байдгаас зарим уул Могойт гэж нэрлэгдсэн агаад хэвлээр явагч тийм амьтад ихэвчлэн алт мөнгөний хүдэр элбэг газарт оршиж байдгийн илт гэрч мөн»
гэж бичжээ...
