Зохиолч: Ах дүү Гримм
Орчуулагч: С. Лувсанвандан
Ангилал: Гадаадын уран зохиол Үлгэр, домог
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
Гэтэл бяцхан хүн байдаг чадлаараа хашхирч:
— Битгий намайг зодооч, болгоож намайг тавиач, өнгөт дагинасын байгаа газрын үнэн нууцыг танд хэлье гэв. Үүнийг Гаж сонсоод нударгаа татаж авбал бяцхан хүн сандарсан дуугаар доод тивд суудаг мянган хүний нэг би юм. Таныг хамт явахаас эс татгалзвал эрсэн улсыг чинь зааж өгнө гэж эрүү хавчгануулан өчив. Гаж түүнийг дагасаар гүнзгий мөртөө хуурай худагт очлоо. Тэгсэн бяцхан хүн ярьж гарчээ. Найз нөхөд чинь хар санаа өвөрлөж хүч гаргаж бэрхийг давахаас зайлж амь эрсдэх аюул заналаас тойрч таны гараар хатантай болохоос тун буцахгүй гэдгийг ойлгоорой. Охидыг олж авахын тул том гэгчийн сагсанд суугаад, анчны хутгаа хурцалж аваад алсаас дуутай хонх зүүгээд худагт орох хэрэгтэй. Тэнд гурван өрөө бий. Өрөө бүрд нэг охин сууж охин бүрийг олон толгойтой луу сахиж байгаа. Тэднийг устгаж байж охидыг чөлөөлөх юм гэж хэлээд агшин зуур алга болов...
