Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Манай тэндхийн заводод Кокованя гэж нэг өвгөн байж билээ. Ганц бие хоцорч, өнчин хүүхэд өргөж авах юм сан гэж бодох болжээ. Тийм хүүхэд байна уу гэж айл хөршийнхөө хүнээс асуусанд,
— Саяхан Глинкад Григорий Потопаевын хэдэн хүүхэд өнчирсөн гэнэ билээ. Захирагч, нас ахмад охидыг нь эзний оёдлын газар өг гэж тушаасан гэнэ. Зургаан настай бага охиныг нь хэн ч хэрэглэхгүй байгаа юм билээ. Чи тэр охиныг ав гэж тэд нь хэлжээ.
— Би бүсгүй хүүхдээр ч яах билээ дээ. Хүү бол ч өөр хэрэг өөрийнхөө ажилд сургаж, тус нэмэр болгоно гэх сэн. Бүсгүй хүүхдэд би ямар ажил зааж өгөх бил ээ? гэж өвгөн хэлэв.
Сүүлд нь Кокованя эргэцүүлэн бодож бодож:
— Григорий, хүүхэн хоёрыг би аль алийг нь танина. Хоёулаа хөгжилтэй, ажилд шаг хийсэн улс байсан. Тэр охин эцэг эх хоёроо дуурайсан бол, түүнтэй нэг гэрт байхад уйдахгүй байх. Ирэхээр бол авъя байз...
