Зохиолч: М. Горький
Орчуулагч: С. Бадраа
Ангилал: Оросын уран зохиол
Хэвлэлийн газар: Улсын хэвлэлийн газар
Газар дэлхий дээгүүр дээр доргүй тэнэж явахад надтай тааралдаж байсан ихэнх хүмүүс тоосонд дарагдсан адил билээ. Хүний дотрыг онгойлгож түүний сэтгэлийн гүнд миний мэдэхгүй санаа бодол, миний дуулаагүй үгс байна уу гэж шагайж харах хэрэгцээ юу билээ. Би бол бүх аж амьдралыг дээгүүр сайхан болгохыг хүсэх бөгөөтөл аж амьдрал гэдэг бол дандаа хурц өнцөг, харанхуй нүх мэт хөөрхийлөлтэй үзэгдэх ажээ. Би бол хүний сэтгэлийн харанхуй дотор өөрийн сэтгэлийн галаас жижигхэн оч үсэргэхийг хүсэх ба үсэргэвэл, тэр оч хөлгүй хоосны дотор ул мөргүй алга болдог билээ.
Гэтэл энэ эмэгтэй бол хүний сэтгэлд оромгүй юм санаанд оруулах бөгөөд урьд ямар аж амьдрал үзсэн бол гэж сэтгэлдээ тааж бодмоор санагдана. Тэгээд би хүний аж амьдралын аль нэг жирийн явдлыг сэтгэлдээ зохиож, түүнийгээ өөрийн хүсэл найдлагын будгаар гоёж...
