Зохиолч: М. Горький
Орчуулагч: Ц. Шүгэр
Ангилал: Оросын уран зохиол
Хэвлэлийн газар: Улсын хэвлэлийн газар
Шүүхийн дарга зун нь арван бээрийн хол байдаг Савелов гацаанд зусаж, баасан гарагийн өглөөний арван цаг хэр «шүүх хурал удирдахаар» морилон ирнэ. Тариачид шүүн таслах хуралд өглөө эртлэн цугларч, цэлмэг өдөр бол конторын нь цонхны дэргэд зүймэл тоосгон дээр сууцгаана. Бороотой бол хашаанд шахалдан байна. Том бөгөөд хоосон хашаанд нь далбис ургаж нурсан саравчаар нөгөө хашаанаасаа тусгаарлагдсан байна. Хашаан дунд худаг, тахир өвгөн бургас байна. Өмхий ногоон дундаас түлэнхий маалингын утас, пийшингийн үлдэгдэл овоолоостой туйпуу цухуйн харагдана. Шүүхийн даргыг заримдаа нэг цагаар, хоёр цагаар, таван цагаар ч хүлээнэ...
