Мужийн С. хотноо гаднаас ирсэн хүнийг уйдаж бухимдмаар хот байна гэхэд нь С. хотынхон манай хот тун сайхаан. Театр клуб, номын сан бий. Айлын наадам болдог. Танилцахад таатай их сонин айл бий гээд Туркинийх гэгч айлынхан хотноо хамгийн боловсролтой, авьяаслаг юм гэдэг байжээ.
Тэр айл нь мужийн сайдын ойролцоо, гол гудамжнаа суудаг юм санжээ. Гэрийн эзэн Иван Петрович Туркин бол хар нүдтэй, хар үстэй сахалтай, махлаг мариатай, овоо цэвэр эр байжээ. Орлогыг нь ядуучуудад туслах гэж буяны үйлст зориулсан ший жүжиг гаргаж, өөрөө хөгшин генерал болж тоглохдоо тун инээд хүрмээр ханиадаг хүн байжээ.
Элдэв бусын шог сонин яриа, инээдмийн марзан оньсого зөнд нь мэддэг тэр хүн, ер зүгээр сууж чадахгүй дооглоод байгаа, үнэхээр яриад байгаагийн алин болох нь ч үл мэдэгдэх шог хурц яриаг дандаа л дэлгэж байх дуртай хүн байжээ...
