Зохиолч: М. Ю. Лермонтов
Орчуулагч: Д. Бүрэндалай
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Эрт үед Тбилиси хотод нэг баян турк хүн суудаг байжээ. Түүнд Аллах тэнгэр, арвин алтан хишиг хайрласан боловч, түүний төрсөн ганц охин Магуль-Мегери л энэ алтнаас илүү эрхэм байв. Огторгуйн одод сайхан гэвч, оддын ар дахь дагинас онц илүү гэлцдэгийн адил, Магуль-Мегерийг Тбилисийн охидын дотроос хамгийн гуа сайхан хүүхэн гэлцэнэ. Бас Тбилиси хотод ядуу эр Кериб аж төрнө. Түүнийг айлын найр хуримаар явахдаа, Туркстаны эртний баатруудыг алдаршуулан, сааз (утгуурт хөгжим)-аар жаргалтан баячуудыг баясуулан зугаацуулдаг сайхан сэтгэлтэн гэж зөн билэгчээс магтдаг байжээ. Гэтэл хөгжимчин Кериб, айлын нэгэн хурим нь дээр Магуль-Мегеритэй нүүр учирснаас тэд хоёр биедээ дурлалцав...
