Зохиолч: Жанни Родари
Орчуулагч: Г. Оч
Ангилал: Хүүхдийн уран зохиол Үлгэр, домог Италийн уран зохиол
Хэвлэлийн газар:
Явж байтал нүдэнд нь юм орчхов. Алчуураа авахаар халаасандаа гараа хийтэл гарт нь нэг хатуу юм тааралдаж гэнэ. Халааснаасаа гаргаад гэрэлд харангуутаа инээд алдан:
— Энэ чинь ёстой л гайхмаар юм. Зуун лир байна шүү дээ. Ийм их мөнгө надад энэ насанд байсан удаагүй. Хаанаас гараад ирэв? Одоо л ойлголоо. Би харанхуйд андуураад өөр хүний өмд өмсөж орхижээ. Тэр нь яг л минийх шиг хуучирсан байдаг. Бас энэ юу вэ? Ахиад зуун лир. Гуравгүй хоёр гэж байдаггүй гэж ярилцдаг биш бил үү... Зүйтэй ахиад зуун лир. Бүр гурван зуун лиртэй боллоо. Тэр халаасандаа гараа хийгээд дахиад зуун лир гаргаж ирэв. Халаасандаа гараа хийх тоолон нь зуун лир гарч ирээд байв. Ингээд нүд ирмэхийн зуур их мөнгөтэй болжээ. Тэгээд л төрөлх тосгон руугаа буцаад гүйчхэв...
