Зохиолч: Жек Лондон
Орчуулагч: Бүрэнханы Д. Чойжил
Ангилал: Хүүхдийн уран зохиол Америк уран зохиол Адал явдалт
Хэвлэлийн газар: УЛСЫН ХЭВЛЭЛ
Жаал Жерри, хүний хөлийн чимээ ойртон сонстоход дуугаа таслав. Винтов мөрөвчилсөн хөх цамцтай өндөр хүн нарсан дотроос гарч ирэв. Энэ бол тэндээс Сакраментийг өгсөөд явахад нэг мил газарт байдаг шар Луу гэдэг уурхайн манаач Холл байлаа. Тэнд бас голын нөгөө эрэгт гарах зам тавигдсан ажээ.
— Сайн байна уу, жаал аа? Чи гав ганцаараа юу хийж суугаа юм бэ? гэж Холл хашхирав.
— Би эндхийн эзэн болоод байна. Аав яваад өгсөн шүү, гэж Жерри дандаа л ганцаараа үлдэж байсан юм шиг их л эвгүйцэн хэлэв...
