Зохиолч: М. Горький
Орчуулагч: С. Бадраа
Ангилал: Оросын уран зохиол
Хэвлэлийн газар: Улсын хэвлэлийн газар
Самгин ер өөрийгөө нэлээн чийрэгжив гэж үзэх болов. Сүүлийн сард үзэж өнгөрүүлсэн бүхэн нь аж амьдрал, хүмүүстэй харилцах чигийг нь батлан өгчээ. Би бүрэн толгойгоо даасан хүн болов, чухамдаа миний өмнө зурайн байгаа хоёр замын алинаар нь ч орсон миний дур гэж баахан бардам бодох болжээ. Самгин, үнэндээ харгис цагдаагийн албанд орж зүтгэхгүй гэдэг бол мэдээж. Хэрэв аль нэг дугуйлан, намд хамаагүй чанартай сайн хэвлэл гарах юм бол түүнд юм бичиж байж болно. Тэгвэл Константин Леонтьев, Михаил Бакунин хоёр оюун санааны хувьд адил төрлийн тухай аятайхан бичиж болох юм сан.
Аж амьдрал гэдэг бол царай муутай, эрээн хувцастай, ухаан бядуухан Варвара хүүхэнтэй адил юм гэж тэр бодно. Амьдрал содон үг, шүлгээр чимээд чухамдаа өөрийг нь энхрийлж, үр төлтэй болгох тийм бядтай, бялдтай хүнийг хүсэх ажгуу...
